https://ministerioturismotl.wordpress.com/
Uma Turismo seloi
Seloi Nia furak iha tempu Rai udan
ministro turismo partisipa iha forum negosiu-no investimentu turistiku cplp iha portugal.
Molok partisipa iha Fórum nebé refere, ekipa tékniku husi Ministério Turismo hamutuk ho porta voz Turismu iha Portugal partisipa iha enkontru tékniku nebé halao iha Sede CPLP iha Lisboa no konta ho prezensa husi Secretário Executivu CPLP no ponto fokal husi nasaun CPLP sira seluk.
Hafoin enkontru, Directora Geral Georgina Benrós de Mello nebe reprezenta Moçambique nebé asumi prezidensia CPLP, explika katak sorumutu neé ho intensaun principal atu halo balansu ba implementasaun planu asaun Turismu nian ba tinan 2013-2014, nuné mós halo planu ba aktividade atu halo iha reuniaun Ministerial Turismo nebé sei halo iha Dili.
Iha mós okaziaun neé, pontu fokal turismu CPLP sira diskuti mós konaba kestaun nebé relasiona ho operasionalizasaun no funsionamentu Sekretariadu Tékniku Permanente Turismu nebe integra Angola, Moçambique no Timor Leste, inklui Portal Turismu no Rota Turístika CPLP.
Photo by Alberto Alves
Entretantu, iha loron tuir, Ministro Turismo ho komitiva partisipa iha Fórum Negócios no Investimento Turístiku, inisiativa konjunta CPLP nian hamutuk ho Organizasaun Mundial Turismo (OMT), ho apoiu husi Sekretaria Estado Turismo Portugal.
Eventu nebé halao iha BTL-Lisboa ho objektivu halo promosaun ba negosiu no investimentu iha sector turismu, nuné mós oinsa buka mekanismu hodi bele entende malu diak liu tan konaba realidade no oportunidade iha negosiu no investimentu.
Alein de neé, diskuti mós konaba oinsa dezenvolve kanal komunikasaun foun, koperasaun públiku no privadu, inklui promosaun transferensia “know-how” iha ambitu turismu entre estado membro CPLP nian.
Photo by Alberto Alves
Iha debate nebé foka liu ba Turismo, parte ida-idak hatoó konaba nia planu, importansia turismu iha Espasu CPLP: dezafius no oportunidades.
Husi parte Timor Leste, Ministro Turismo, Francisco Kalbuadi Lay koalia konaba programa no planu de asaun nebé Ministério Turismo prepara no implementa oras neé dadaun…
Hafoin Fórum Negosiu no Investimentu Turístiku, Ministro Kalbuadi Lay akompanhadu husi Secretário-Geral OMT halo vizita ba Feira Internacional Turismo nebé halo iha BTL hodi haré kreatividade no inisiativa nebé nasaun ida-idak aprezenta iha sira nia pavilhaun…
Ministro Turismo, Francisco Kalbuadi Lay konsidera feira neé importante tamba bele sai referensia hodi bele aplika mós iha Timor leste…..
Iha feira neé Timor Leste mós partisipa ho nia pavilhaun nebé aprezenta potensialidade no beleza Timor leste nian atu bele atrai atensaun husi vizitantes iha Feira Internacional neé,tamba hanesan oportunidade hodi dada investidores….
Share this:
TwitterFacebookGoogle
Related
Proposta OJE ba Ministériu do Turismo Aprova ho Votus Mayoria Afavor
In "Notisias"
Ministru Kalbuadi Simu Visita Embaixador Georgia ba Republika Indonesia
In "Notisias"
Amizade entre Dili-Canberra
In "Notisias"
March 24, 2014Leave a reply
Komentar
Posting Komentar